Сирдарё вилояти юридик техникумида Ўзбекистон Республикаси Адлия вазирлигининг юридик техиникумлари ўқувчилари ўртасида “Маъмурий, фуқаролик, иқтисодий ва жиноят суд ишлари бўйича наъмунавий суд процесслари” танловининг ҳудудий босқичи бўлиб ўтди.
Сирдарё вилояти юридик техникумида Ўзбекистон Республикаси Адлия вазирлигининг юридик техиникумлари ўқувчилари ўртасида “Маъмурий, фуқаролик, иқтисодий ва жиноят суд ишлари бўйича наъмунавий суд процесслари” танловининг ҳудудий босқичи бўлиб ўтди.
Мазкур танловда суд ишлари бўйича наъмунавий суд процессларини танлови ҳудудий босқичининг маъмурий йўналиши бўйича Сирдарё вилоят маъмурий судининг раиси Т.Қодирқулов ҳакам сифатида иштирок этди ва ўқувчиларни иштирокларини адолатли тарзда баҳолаб борди.
Танлов якунига кўра, “Маъмурий суд ишлари бўйича намунавий суд процесси” йўналиши бўйича вилоят юридик техникумининг 202-гуруҳ ўқувчилари ғолибликга муносиб деб топилди. Ушбу танловда ғолиб бўлган жамоалар республика босқичига йўлланмани қўлга киритишди.
Мазкур танлов якунида вилоят маъмурий судининг раиси Т.Қодирқулов томонидан ушбу юридик техникуми ўқувчиларига маъмурий судларда иш юритиш тартиби бўйича ўзининг бир қатор тушунтиришларини бериб ўтди.
Жумладан, Маъмурий суд ишларини юритиш тўғрисидаги кодекснинг иккинчи бўлимида биринчи инстанция судида иш юритиш тартиби тўғрисида, яъни ишни суд муҳокамасига тайёрлаш тўғрисидаги ажрим чиқариш, судья ишни суд муҳокамасига тайёрлаш тўғрисида ажрим чиқариш тартиблари, ажримда ўзи ҳамда ишда иштирок этувчи шахслар томонидан амалга оширилиши лозим бўлган ҳаракатлар, ушбу ҳаракатлар амалга оширилиши керак бўлган муддатлар, шунингдек, судьянинг ишни суд муҳокамасига тайёрлаш бўйича ҳаракатлари аризани (шикоятни) иш юритишга қабул қилиш ва иш қўзғатиш тўғрисидаги ажримда баён этилиши ҳақида айтиб ўтди.
Бундан ташқари, МСИЮтКда суд мажлиси ўтказиш тартиби белгиланган бўлиб, унга кўра, иш муҳокамаси суд мажлисида амалга оширилиши, суднинг мажлиси видеоконференцалоқа режимида ўтказилиши мумкинлиги айтиб ўтилди.
Шунингдек, кодексда кўрсатилган судга ариза билан мурожаат қилиш муддатлари ва иш юритишни бошқа асослари ҳақида юридик техникуми ўқувчиларига тушунтиришлар бериб ўтилди.
Танлов якунида, танловда иштирок этган ўқувчилар ўзларини қизиқтирган масалалар юзасидан саволлар билан мурожаат қилиб, тегишли жавобларни олишди.
Сирдарё вилоят маъмурий
судининг судья катта ёрдамчиси М.Кенжаев